| Sena Ġdida mal-Mulej |
 |
 |
 |
| Miktub minn Denise Micallef | |
|
Għeżież ħuti, l-Veru Dawl – Ġesu' Kristu. Il-ħajja hi taħlita ta' esperjenzi kemm sbieħ u kemm inqas sbieħ. Minkejja dan, jekk wieħed f'kull ċirkostanza ta' ħajtu jitfa' ħarstu fuq Ġesu', il-piż tal-ħajja ikun eħfef. Nista' ngħid dan mill-esperjenzi diversi f'ħajti. Quddiem l-għawġ, minkejja t-tbatija, xorta fija ħassejt il-paċi għax ħallejt post għal dak li vera jaf iħobb – Ġesu'. Minn qalbi nawgura lil kull persuna esperjenza intima ma' Ġesu' l-Feddej. Fl-opinjoni tiegħi, nippruvaw insibu ħin għal kollox imma fl-istess ħin, ftit li xejn nagħtu ħin lill-Mulej. Tajjeb inżommu ċertu bilanċ f'ħajjtina u nersqu lejn il-vera ferħ. Imma kif tista' takkwista' l-ferħ ta' veru? Kif tagħti ħinek lill-Mulej? B'fiduċja sħiħa, nemmen li l-ħajja tagħna tieħu xejra ferm pożittiva jekk nipparteċipaw fil-quddiesa kuljum u mqar nagħmlu ftit ħin ta' adorazzjoni. Ħajjtina tieħu aktar sens jekk nieħdu sehem fit-talba tar-rużarju u għaliex le, naraw ukoll x'tgħid il-kelma t'Alla – il-Bibbja. Nawgura li tippruvaw dan, għeżież ħuti. M'hemm xejn x'titilfu! Għalina l-insara, il-ftuħ tas-sena hu wieħed sabiħ meta niftakru fis-sollennita' ta' Marija, Omm Alla – il-festa li tiġi ċċelebrata fl-1 ta' Jannar. Mill-eternita', Alla għażel lill-Verġni ta' Nażaret biex tkun l-Omm ta' Ibnu. Hjia saret it-'Theotokos', Omm Alla. Marija hija l-omma spiritwali tagħna. Fil-fatt, fil-passjoni kiefra, Alla, fil-persuna ta' Kristu, ta lil Ommu lill-umanita' kollha. Nemmen li jekk inżommu dan kollu quddiemna, ikollna sena mill-isbaħ minkejja l-għawġ li jista' jinqala'. Wara kollox la l-Mulej magħna min jista' jkun kontra tagħna? Għalhekk qalbna f'kull ċirkostanza għandha tkun mimlija ferħ għax Il-Mulej hu r-ragħaj tiegħi xejn ma jonqosni. (Salm 23: v.1)
|
Happy Birthday
-
24.03.2010
Tiziana Caruana -
30.03.2010
Aaron Fenech